سحری میں کھجور کا استعمال ۔ کتنا فائدہ مند

طبی ماہرین افطار کے ساتھ ساتھ سحری میں بھی کھجور کے استعمال کو سود مند قرار دیتے ہیں۔

رمضان المبارک میں افطاری میں ہم باقی لوازمات کے ساتھ کھجور کا بھی استعمال کرتے ہیں بلکہ روزہ کھجور کے ساتھ ہی افطار کرنے کو ترجیح دیتے ہیں کیونکہ یہ ہمارے پیارے نبی صلی الله علیه وسلم کا پسندیدہ پھل اور سنت ہے، کھجور رمضان المبارک میں استعمال ہونے والا سب سے پسندیدہ پھل ہے۔

کھجور قدرت کا وہ پھل ہے کہ جو اپنے اندر بے شمار افادی پہلو رکھتا ہے، جس کے ہر تین اجزاء کارآمد ہیں۔ قدرت نے ایسے غذائی اجزاء اس میں شامل کردیئے ہیں۔ جن کی ہمارے جسم کو ضرورت ہوتی ہے۔

حضور اکرم ﷺ نے کھجور پھل کو بے حد پسند فر مایا ہے ۔آپ ﷺ اس ہی سے روزہ افطار کر نے کو پسند فرماتے تھے ، آپ ﷺ نے فرمایا “کھجور میں ہر بیماری کی شفا مو جود ہے “۔

شیریں ، خوش ذائقہ، ذود ہضم اور توانائی سے بھرپور پھل کھجور کا استعمال رمضان المبارک میں کثرت سے کیا جاتا ہے، غذائیت اور کیلوریز سے بھی بھرپور ہونے کے باعث طبی ماہرین نے افطاری کے ساتھ ساتھ سحری میں بھی کھجور کے استعمال کو انتہائی مفید قرار دیتے ہیں۔

“آپ ﷺ نہ صرف افطار ی میں بلکہ سحری میں بھی کھجور تناول فر ماتے اور فرمایا: ” مسلمان کے لئے سحری کا بہترین کا کھانا کھجور ہے ۔

مسلمانوں کو کھجور سے روزہ افطار کرنے کی ہدایت دی گئی ہے کیوں کہ روزہ رکھنے سے جسمانی قوت میں کمی آ جاتی ہے، قدرت نے کھجور میں اسے غذائی عمل پیدا کر دیے ہیں جن کی ہمیں ضرورت ہوتی ہے۔ کھجور پیٹ کے لئے بہت مفید ہے۔ کھجور صرف روزہ افطار کرنے میں ہی مفید نہیں بلکہ کھجور کے اور بہت سارے فوائد ہیں۔ غذائیت کے لحاظ سے یہ ایک بہترین غذا ہے۔ اس میں طاقت کے خزانے پوشیدہ ہیں۔ کھجور خون پیدا کرنے کا خزانہ ہے۔

یہ کمزور جسم کے لئے مفید ہے۔ طاقت دیتی ہے، اس کے علاوہ دماغ اعصاب کے لئے مفید ہے۔ جو لوگ جسمانی طور پر کمزور ہوں یا دماغی طور پر کمزور ہوں پا پھر جنہیں خون کی کمی ہو انہیں زیادہ سے زیادہ کھجور استعمال کرنی چاہیے۔ یہ ان کے لئے بہت ہی مفید چیز ہے۔ جن افراد کو آیوڈین کی کمی ہوتی ہے انہیں خاص طور پر کھجور استعمال کرنی چاہیے۔ کھجور کے استعمال سے خون میں کولیسٹرول کی مقدار نہیں بڑھتی اور یہ بات سبھی جانتے ہیں کہ خون میں کولیسٹرول کی مقدار بڑھ جائے تو دل کا دورہ بھی پڑ سکتا ہے، پس کھجور ایک مکمل غذا ہے جس میں غذائیت بھی ہے۔

ڈاکٹرز کا کہنا ہے کہ سحرو افطار میں دودھ یا جوس کے ساتھ کھجور کا استعمال جہاں دل کو قوت فراہم کرتا ہے تو وہیں انسانی معدے کی کارکردگی میں بھی بہتری آتی ہے لیکن شرط ہے کہ استعمال مناسب مقدار میں ہو۔

کھجور انسان کو طاقتور اور مضبوط بناتی ہے۔ کھجور کھانے سے انسان دل کی بیماریوں سے بھی محفوظ رہتا ہے۔ کھجور سے خون بھی بڑھتا ہے اور رنگت بھی سرخ و سفید ہو جاتی ہے۔ اس کی گھٹلی آنتوں کے لئے بے حد مفید ہے۔ اس کے علاوہ کھجور جسمانی کمزوری کو بھی دور کرتی ہے، اس میں وٹامن اے، نشاستہ ، کیلشیم، فولاد اور فاسفورس ہوتا ہے۔

قرآن مجید میں اس کا ذکر بیس سے زائد بار ملتا ہے ۔آپﷺ نے فر مایا ” جس گھر میں کھجوریں نہ ہوں وہ گھر ایسا ہے جس میں کھانا نہ ہو ۔لہذا اس انمول اور منفرد پھل کا استعمال ہماری صحت کا بھی ضامن ہے۔